Kjo e hënë çel zyrtarisht sesionin e ri parlamentar në Kuvendin e Shqipërisë. Seanca plenare ka nisur në orën 18:00 me himnin shqiptar, teksa deputetët janë ngritur më këmbë.
Kryetarja e Kuvendit Lindita Nikolla ka lexuar mesazhin e Presidentit të Republikës Bajram Begaj drejtuar Kuvendin në nisjen e sesionit të ri.
Pjesë e kësaj seance do të jenë nismat politike nga PS dhe PD për ish-spiunët e sigurimit dhe dekomunistizimin.
SEANCË PLENARE PUBLIKE
Hapja e punimeve të sesionit të III të legjistraturës X në seancën plenare të datës 5 shtator 2022, e hënë, ora 18.00
RENDI I DITËS
Në mbështetje të urdhërit nr. 69, datë 2.9.2022 të Kryetares së Kuvendit, znj. Lindita Nikolla, rendi i ditës është si më poshtë:
- Miratimi i procesverbaleve të seancave plenare të datave 21.7.2022, 24.7.2022 dhe 28.7.2022. (Neni 44, pika 2, i Rregullores)
- Njoftime për çështjet e depozituara në Kuvend. (Neni 44, pika 3, i Rregullores)
- Njoftim për programin e punës së Kuvendit për periudhën 5 shtator – 14 tetor. (Neni 26 i Rregullores)
- Njoftim për kalendarin e punimeve të Kuvendit për periudhën 5 shtator – 30 shtator. (Neni 27 i Rregullores)
Shfaq Komentet (0)
